ROXAS CITY, CAPIZ- Ginpakigbahin sang pamunuan sang HUTIK: Greening Mountain Karaityan Project sa probinsya sang Sitio Dalandanon, Barangay General Luna, Barotac Viejo, Iloilo ang katuyuan kag importansya sang amo nga proyekto sa mga pumuluyo sang nasambit nga lugar.
Sa interview sang Bombo Radyo kay Engineer Nilo Jardeleza, Prime Mover sang Adopt a Mountain Project, iya ginpahayag nga ang nasambit nga lihok ang isa ka joint venture sang Department of Environment and Natural Resources, Rotary Club of Iloilo South kag Local Government Unit sang Barotac Viejo.
Suno kay Jardeleza, nag-umpisa ang amo nga proyekto sang matukiban nila nga kaangay nakalbo na ang amo nga bukid kag nawad-an sang supply sang tubig. Tuig 2005, petsa 13 sa bulan sang Agosto sang natabo ang Adopt-A-Mountain Project signing kag opisyal nga ginsuguran ang pagpananom sang mga kahoy sa amo nga bukid.
Pahayag nya, sa subong may yara na sang masobra 15,200 ka mga puno sang kahoy ang nagatindog kag gina-akuparan ang 42,426 hectares sang anay kalbo nga bukid. Natukiban naman ang nagkalain-lain nga tuburan sang tubig sa diin nga pamaagi sang sini nga proyekto, nahatagan sang pangabuy-anan ang masobra 50 ka pamilya sang amo nga lugar.
Ginalauman naman sang natungdan nga ang amo nga adbokasiya kag legasiya ang magapadayon kag patigayunon sang mga masunod nga henerasyon.
Interviewed by Bombo Sunnie Mae Constantino Batencila
