ROXAS CITY – Nangin matigdas ang panindugan ni Mambusao Mayor kag League of the Municipalities of the Philippines (LMP) Capiz Chapter President Leodegario Labao Jr. nga magapapili ini bilang Capiz 2nd district Congressman sa masunod nga eleksiyon.
‘I will fight anybody!’, ini ang pahayag sang alkalde sang ini ang naghatag sang iya mensahe kadungan sang blessing kag opisyal nga pagsugod sang operasyon sang Kabalaka Isolation Facility sa Capiz Gymnasium, Villareal Stadium sa Brgy. Tiza, Roxas City.
Suno sa alkalde nga subong pa lamang, ginadeklarar na sini ang iya pagpapili bisan pa hambalon siya nga siya ang nagapamulitika.
Ginpahayag man sini nga magapadayon ang iya suporta kay Capiz Governor Esteban Evan ‘Nonoy’ Contreras.
Saludo man ini suno sa iya sa gobernador bangud sa pagdesisyon nga himuon nga Kabalaka Isolation Facility ang Capiz Gymnasium sa Villareal Stadium para sa mga COVID-19 asymptomatic patients.
Nagaapelar man ini sa tanan sang kooperasyon kag paghugpong bangud suno diri ang problema nga ginapangatubang sa karon ang masolbar lamang kun nagabuligay ang tanan.
