-- ADVERTISEMENT --

Gin-anunsyo ni Chairman Andres Bernal Reyes Jr sang Independent Commission for Infrastructure (ICI) nga magasugod na sa masunod nga semana ang livestreaming sang hearings sang komisyon.

Suno kay Reyes, katuyuan sang sini nga tikang amo ang pagpasangkad sang transparency kag pagpahibalo sa publiko nahanungod sa nagapadayon nga mga imbestigasyon may kaangtanan sa mga maanomaliya sa mga proyekto sa imprastraktura sang gobyerno.

Pinaagi sa livestream, ginalauman nga masundan sang publiko ang dalagan sang mga hearings kag ang mga testimonya sang mga involved nga opisyales kag kontraktor.

Dugang pa ni Reyes, mangin accessible sa publiko ang livestream paagi sa opisyal nga social media platforms sang ICI kag iban pa nga partner media outlets.

Samtang, ginalauman nga ang una nga serye sang mga hearing magapakita sang mga proyekto sa transportasyon, flood control projects, kag mga public buildings nga may mga report sang mga iregularidad.

-- ADVERTISEMENT --