Nakalab-ot sa finals sang Cincinnati Open sa una nga kahigayunan si World No. 2 Iga Swiatek, kasunod sang iya nga kadalag-an batok kay Elena Rybakina, sa iskor nga 7-5, kag 6-3.
Sa iya nga pagsugod sa finals, makaatubang niya si World No. 4 Jasmine Paolini.
Ang duha ka tennis star, pareho nga nagapanikasog nga makahimo sang kasaysayan sa pagsugod sa finals kun sa diin para kay Paolini, ini ang iya ika-apat nga title kun mapadaog ang amo nga hampang.
Ini naman ang ika-13 finals appearance ni Swiatek sa mga tennis competition nga may 1000 level.
Sa lima nga nauna nga pag-atubangay nanday Swiatek kag Paolini, nahimo ni Swiatek nga lutuson ang Italian superstar. Sa lima ka matchup, isa ka set lamang ang nakuha ni Paolini.
Nahimo man ni Swiatek nga mapadaog ang ulihi nga Wimbledon Open sang tinalikdan nga buwan.