ROXAS CITY-Indi pa makapasiguro ang Department of Labor and Employment ukon DOLE Region 6 nga may ara sang ika-duha nga hugnat sa mga empleyado nga wala makabaton sang Covid-19 Adjusment Measure Program ukon DOLE-CAMP sa Western Visayas.//
Ini ang ginpahayag ni Niezel Sabrido Regional Information Officer sang DOLE Region 6 sang mainterview sang Bombo Radyo.
Ginpahayag ni Sabrido nga nagapadayon ang pagproseso sang mga application sang mga kumpanya nga nakahingaw sumiter antes magtakup ang gintalana nga deadline apang temporaryo nga ginpauntat ang pagbaton sang application.
Suno kay Sabrido nga naglab-ut sa 922 ka mga kumpanya ang gin-aprubahan sang ahensya ukon kapin 17,824 ka mga empleyado sa bilog nga western visayas ang mahatagan sang tag 5 mil ka pesos nga ayuda.
Apang ginkasubo ni Sobrido nga may yara sang masobra 3 mil ka mga kumpanya ukon masobra 71 mil ka mga empleyado sa western visayas ang ginbalibaran sang ahensya bangud sa kakulang sang pundo.
Apang ginpasalig ni Sabrido nga igasumiter sang ahensya ang mga wala aprubahan sang CAMP sa Department of Finance agud makabaton sang ayuda sa ila Small Business Wage Subsidy Program ukon sbws.
