Roxas City – Ginatutukan sa karon sang mga kapulisan ang iligal nga operasyon sang mga peryahan sa probinsya sang Capiz.
Ini matapos nga nakabaton sila sa gihapon sang mga reports nga may yara sang mga peryahan nga naga-operate, apisar pa nga hugot ini nga ginadumilian.
Suno kay Capiz Police Provincial Office (CPPO) Director Police Col. Canelo Fuentes nga may yara sang mga iligal nga aktibidad nga nagahinabo sa peryahan rason nga dapat ini matutukan.
Magluwas diri, ginahalinan man ini sang korupsyon kag iligal nga sugal.
Wala man ginadumilian nga magkuha sang permit ang mga operator sang peryahan apang dapat lamang nga sundon nila ang mga rekisitos nga ginapangayo sang city government.
Samtang, nagapadayon ang ila inspeksyon sa mga kabaranggayan sa siyudad sa diin may yara sang naga-operate nga peryahan.
