Ilocos Norte, gintay-og sang magnitude 4.2 nga linog

Gintay-og sang 4.2-magnitude nga linog ang probinsya sang Ilocos Norte subong nga adlaw Agosto 11.

Sa datos sang Philippine Institute of Volcanology and Seismology (Phivolcs), natabo ang amu nga linog nga tectonic ang gintunaan.

Nakit-an ang sentro sini 14 kilometros ang kalayuon sa naaminhan-nasidlangan nga bahin sang Pagudpud, Ilocos Norte, nga may kadalumon 19 kilometros.

Napagkit naman ang Instrumental Intensities sa mga masunod nga lugar:

Intensity II – Pasuquin, ILOCOS NORTE

Intensity I – City of Laoag, ILOCOS NORTE

Samtang, wala naman sang ginalauman nga posible aftershocks ukon halit sa  nasambit nga linog.