TIGBE, Norzagaray, Bulacan – Arestado ang No. 2 most wanted person sang Ilocos Sur Provincial Police Office “ISPPO”, sa Barangay Tigbe, Norzagaray, Bulacan.
Ginkilala nga isa ka lalaki ang No. 2 most wanted person nga na aresto sang Agosto 14, 2026 sang Sta. Maria Municipal Police bilang resulta sang manhunt operation nga ginpatigayon.
Nagapangatubang sang duha sang kaso nga statutory rape ang suspek, kag ginrekomendar nga wala sang piyansa sa tagsa ka kaso.
Suno sa impormasyon ang suspek wanted man sa kaso nga paglapas sa Republic Act No. 9995 ukon Anti-Photo and Video Voyeurism Act of 2009, kag kaso nga may kaangtanan sa Republic Act No. 7610, ukon ang Special Protection of Children Against Abuse, Exploitation and Discrimination Act kun sa diin mahimo nga maka piyansa sa balor nga P70,000.
Pahayag pa sang ISPO, ang pag aresto kabahin sang ginpaligon nga makita kag maaresto ang mga wanted persons pinaagi sa intelligence gathering, koordinasyon sang police units kag sustained manhunt operations.
Nahibaluan man nga nangin madinalag-on ang operasyon sa pagpanguna ni Police Colonel Agosto M. Asuncion, Provincial Director sang Ilocos Sur, Police Provincial Office.
Sa karon, bilang update yara na sa kustodiya sang kapulisan ang suspetsado kag maga-atubang sang nagkalainlain nga kaso nga ginpasaka batok sa iya.
