Iloy ginaalegar ginlampusan sang tubo ang hubog nga anak

Padayon nga ginabulong sa ospital ang 33-anyos nga anak matapos ginaalegar ginlampusan sang tubo sang kaugalingon nga iloy sa ila puluy-an sa Sitio Ilaya, Barangay Dinginan, Roxas City.

Nag-angkon sang pilas sa ulo ang biktima nga si Joshua de Isidro sang nasambit nga lugar.

Nahibaluan gikan sa live-in partner sang biktima nga nagpauli nga hubog si Vidal kag nagbaisay ini kag ang iya iloy.

Nagbuhi pa ini sang makahas nga tinaga sa iloy nga posible ginka-impito sang naulihi tobtob ginaalegar ginlampusan ini sang tubo.

Nahibaluan nga may insedente man sadto nga dyutayan lamang lab-on sang iya amay ang biktima bangud ginaugtasan ini sang iya ginikanan bangud sa iya nga pagkapalahubog.