ROXAS CITY – Nasakitan ang Iloy sang 14-anyos nga babayi bangud kilala na ang iya bata sa ila Barangay nga nagasakay sa tricycle kag wala nagabayad.
Ini ang emosyonal nga ginpahayag ni alyas ‘Inday’ nga Iloy sang dalagita, nga taga Brgy. Culasi, sang exclusive nga mainterview sang Bombo Radyo.
Aminado ini nga para sa iya, nahimo na sini nga disiplinahon si alyas ‘Nene’, apang bangud sa mga barkada sini, indi niya makontrol ang ika-anum sa walo sini tanan nga kabataan.
Ginsiling man sang Iloy nga indi man sini mabantayan ang hulag sang iya bata bangud lunsay nagapangisda sila sang iya bana, nga amu ang ila palabuy-anan.
Apang, kun mahibaluan man nila nga mag-asawa nga wala ini nagbayad sa pamsahe sa tricycle, ila man ginabayran. Ini bangud naintindihan sini ang trabaho sang isa ka tricycle driver.
Ginsiling man ni ‘Inday’ nga may mga kaupdanan pa ang iya bata nga sa pagtuad ni ‘Nene’ mga taga Brgy. Libas kag Inzo, sini nga syudad.
Bangud sa reklamo sa iya bata, nagsugot ini nga iga-kustodiya sa City Social Welfare and Development Office (CSWDO) si ‘Nene’ apang wala na sila nagpadayon bangud kinahanglan suno diri sang negative RT-PCR test result.
Wala man ini makahibalo nga sa Outpost sang Brgy. 1 nagsakay ang iya bata kahapon nga adalw, bangud masami nga lisensya sini amu nga sa iya nga barkda magatulog.
Mensahe ni ‘Inday’ sa ginikanan sang barkada sang iya bata nga mag-ugyon sila agud matapna ang bulohaton sang ila mga kabataan samtang temprano pa.
Matandaan nga ginreklamo sang isa ka driver si ‘Nene’ matapos nga ginpahulat ini sa karsada kag wala na ginbalikan para sa iya kuntani pamasahe
