Imbestigasyon natuhoy sa bangkay sang lalaki nga nasapwan-patay sa circumferential road Barangay Dayao, nagapadayon

ROXAS CITY – Padayon nga ginapadalman sang kapulisan ang imbestigasyon angut sa nasapwan-patay nga lalaki sa Circumferential Road, Barangay Dayao, Roxas City.

Sandig sa imbestigasyon sang Roxas Component City Police Station, ginalantaw nga ang posible nga gintunaan sang insigida nga kamatayon sang biktima amu ang pilas nga nakit-an sa ulo sini.

Matandaan nga kahapon sa aga nasapwan ang biktima nagahigdaon, duguon kag wala na sang kabuhi.

May narekober ang mga kapulisan sa lugar nga duha ka basiyo kag isa ka deformed slug sang kalibre .45 nga armas-luthang nga ginapatihan amo ang gingamit sa pagluthang sa biktima.

Samtang gina-verify pa sang kapulisan sa pamilya ang posible mga personalidad nga konektado sa biktima.