Ginpanindugan ni Lanao del Sur 1st District Rep. Zia Alonto Adiong nga ang anuman nga lihok sa pagpasaka sang impeachment complaint batok kay President Ferdinand Marcos Jr. dapat nakabase sa standards sang Konstitusyon kag ebidensya, indi sa espekulasyon ukon political noise.
Ginhatagan pagtamod ni Adiong nga ang impeachment isa ka seryoso nga proseso sa konstitusyon nga nagakinahanglan sang maathag nga mga kamatuoran kag mabakod nga pamatuod.
Suno sa iya, indi dapat gamiton bilang political weapon ang impeachment kag indi dapat maimpluwensyahan sang huring-huring ukon unverified nga alegasyon.
Ginpasalig man ni Adiong nga ang Kamara magapabilin nga komitido sa iya mga katungdanan sa legislative kag pagdumala, samtang ginaamligan ang nagakaigo nga proseso kag ang integridad sang proseso.
Nahibaluan nga ginsabat ni Adiong ang ini nga pahayag ni Caloocan 2nd District Rep. Edgar Erice kaupod ang mga kongresista angot sa pag-file sang impeachment complaint batuk kay President Ferdinand Marcos Jr.
