Gin-anunsyo ustice Committee chair GErville Luistro nga ang mga reklamo sa impeachment batok kay VP Sara Duterte mahimo matapos kag madesisyunan sa sulod sang duha ka bulan, humalin sa pagsugod sang trial proper.
Magasugod ang hearing sa tion nga ma-file na ang tanan nga responsive pleadings, ang sabat sang Bise Presidente sa sulod sang 10 ka adlaw, ang sabat sang mga tagreklamo sa sulod sang tatlo ka adlaw, kag ang rejoinder sang kampo ni Duterte sa sulod sang tatlo ka adlaw.
Pagkatapos sini, ang komite magadeterminar kon may bastante nga basehan sa pagpadayon sang pagbista, nga mahimo maglakip sang paghatag sang mga subpoena kag pag-agda sang mga saksi. Pagkatapos sang nagakaigo nga pagbista, ang panel magaboto kon bala may yara sang posible nga kabangdanan sa pag-refer sang kaso sa plenaryo. Kinahanglan ang boto sang indi magnubo sa 105 ka mga mamalidha agud ma-impeach ang Bise Presidente.
Ang mga reklamo naga-alegar sang pagluib sa pagsalig sang publiko kag culpable violation sang Konstitusyon may kaangtanan sa paggamit sang P612.5 million nga confidential funds kag ginaalegar pagpamahog batok kay Presidente Ferdinand “Bongbong” Marcos Jr kag sa iya pamilya. Suno kay Luistro, mahimo nga magpadayon ang hearing bisan sa tion sang recess agud mapadasig ang proseso.
