Wala sang bastante nga panahon para matalakay ang ginaduso nga impeachment complaint batuk kay Vice President Sara Duterte, suno kay Senate President Pro Tempore Jinggoy Estrada.
Apisar nga indi ini maghatag sang komento angut sa impeachment, ginpahayag ni Estrada nga “indi na” ukon wala sang bastante nga oras para pamatian ang reklamo.
Nakasiguro man si Estrada nga indi mapadasig sang Kongreso ang mga hearing, bangud ginalauman niya ang dalagkuan nga dokumento nga mahimo nga ipaatubang sa mga trial sang impeachment.
Gin-file ang una nga reklamo batuk kay Duterte sadtong Lunes sang 16 ka indibidwal gikan sa civil society, advocacy groups, kag mga himata sang ginapahayag biktima sang drug war sadtong panahon ni anay Pangulong Rodrigo Duterte. Kahapon gin-file ang ikaduha nga impeachment batuk kay VP Sara.
Nagapati naman si Estrada nga wala sang igadulot nga kaayuhan ang anuman nga sahi sang impeachment complaint kasubong sang natabo sa iya nga amay nga si anay Pangulong Joseph Estrada.
