Mahimo nga magalab-ot lamang sa tatlo ka bulan ang paghusay sang impeachment court kay Vice President Sara Duterte, kung sa diin ginalauman nga pagasuguran sa Hulyo sa pagsulod sang 20th Congress kag igapanaog ang paghukom sa Oktubre suno kay Senate President Francis “Chiz” Escudero.
Suno sa Senate President, nag-adjourn ang Senado kag wala nahinalaan ang impeachment kabangdanan nga magapadayon sila sa Hunyo 2.
Dugang pa sini nga wala sila suno diri sang mahimo bangud indi mahimo nga suguran ang impeachment kung recess kag kinahanglan suno kay Escudero nga hinalaan ang impeachment sa open session kung sa diin pagabasahon sang house prosecutors ang impeachment sa plenaryo sang Senado.
Kinahanglan man nga aprubahan sa plenaryo ang rules of impeachment kag sa “open session” magapanumpa ang mga senador bilang impeachment judges.
Ang tanan nga nasambit mahimo suno diri nga himuon niya nga recess, buot silingon sa ila nga pagbalik paga-aprubahan ang rules kag maga-convene ang Korte.
Mahibaluan nga pananglitan suguran sa katapusan nga bahin sang 19th Congress ang pre-trial kalakip na ang pagpasumite sang nagkalain-lain nga pleadings, affidavits kalakip na ang listahan sang mga testigo, magasugod naman ang trial proper sa Hulyo 29 ukon 30 ukon pila ka adlaw matapos ang State of the Nation Address (SONA).
Dugang pa ni Escudero, mas magadasig ang impeachment proceedings kung nauna nga matapos ang pre-trial rason nga mahimo lamang nga magalab-ot ini sang tatlo ka bulan.
Samtang pag-abot sang Okubre, diri pagapilian sang mga Senador kung iga-convict ukon i-acquit si VP Duterte.
