Gin-lift na sang Department of Agriculture (DA) ang temporary import ban sa poultry products nagikan sa Netherlands matapos makumpleto ang pag-usisa sa mga dokumento nga ginpasa sang Dutch veterinary authorities may kaangtaan sang bird flu outbreak.
Suno kay Agriculture Secretary Francisco Tiu Laurel Jr., bastante ang mga tikang sang Netherlands agud malikawan ang paglapta sang high pathogenicity avian influenza (HPAI), kalakip ang hugot nga surveillance kag biosecurity measures.
Gin-athag sang DA nga ang trade restrictions ang igapatuman lamang sa mga apektado nga lugar kag indi sa bug-os nga pungsod, bilang kabahin sang science-based kag risk-managed approach.
Ang nasambit nga mando, mangin epektibo 15 ka-adlaw matapos ma-publish sa opisyal nga website sang DA.
