Ginkakas sang Department of Agriculture (DA) ang temporaryo nga pagdumili sa mga imported nga produkto sang baboy kag mga by-product sini gikan sa Russia.
Sa Memorandum Order 80 nga gin-isyu ni Agriculture Secretary Francisco Tiu Laurel Jr. sang Disyembre 23, ang manubo nga risgo sa pag-import sang mga produkto sang baboy, lakip ang karne, gikan sa mga Russian zones nga ginasakop sang African swine fever (ASF)regionalization.
Ang ASF regionalization isa ka estratehiya nga nagasanto sa mga sulundan sang World Organization for Animal Health (WOAH) nga nagapahanugot sa mga estado nga kilalahon ang partikular nga mga zones nga wala sang ASF sa sulod sang isa ka natapikan nga pungsod, sa baylo nga dumilian ang tanan nga mga importasyon gikan sa sina nga pungsod, agud nga ang negosyo makapadayon samtang ginakontrol ang balatian.
Suno sa DA, nagguwa sa pagrepaso kag pag-analisar sang Philippine Bureau of Animal Industry nga ang Russia may nagakaigo ngaveterinary oversight kag ang kinahanglanon nga pagkontrol kag pagpahaganhagan nga mga tikang batok sa ASF.
Dugang pa sang DA nga nagkasugtanay ang mga natungdan nga chief veterinary officers sang Russia kag Pilipinas ang mga terms and conditions sang importation kag ASF regionalization.
Matandaan nga sang una nga bahin sang tuig, ginkilala man sang DA ang regionalization ng High Pathogenicity Avian Influenza (HPAI) ukon bird flu sa Russia kag ginkuha ang temporaryo nga pagdumili sa mga domestic kag wild birds kag ang ila mga produkto, lakip ang mga day-old chicks,, itlog, kag semilya.
