-- ADVERTISEMENT --
Ginabanta nga 200 ka dumuluong nga delegasyon ang ginalauman nga magatambong sa inagurasyon ni Pope Leo XIV.
Ini ang base sa mga opisyales sang Vatican kasunod sang sinapol sang Provincial Committee for Order and Security nga ginhiwat sang Martes sa Rome Prefecture.
Pila sa mga dignitaryo nga magatambong amo sanday US Vice President JD Vance, Royal family of Spain, Israeli President Isaac Herzog kag mga lideres gikan sa European Union.
Bilang kabahin sang madugay na nga tradisyon sang Simbahan Katoliko, ang inauguration mass ni Pope Leo ang pagahiwaton sa Domingo, Mayo 18 sa St. Peter’s Square sa Vatican City.
Ang inagurasyon hiwaton sa alas 10:00 sang aga, oras sang Roma ukon alas 4:00 sang hapon, oras sang Pilipinas.
-- ADVERTISEMENT --
