-- ADVERTISEMENT --
ROXAS CITY – Isa ka indi lisensiyado nga armas-luthang ang ginsungka sang isa ka punong barangay sa Dao Municipal Police Station.
Ginturn-over ni Punong Barangay Ronelo Esclito sang Barangay Agtangway, Dao ang isa ka 12 gauge homemade long shotgun nga wala sang bala sa estasyon sang pulisya.
Sa karon yara na sa Firearms and Explosives Security Agencies and Guard Supervision (FESAGS) ang nasambit nga armas-luthang para sa nagakaigo nga disposisyon.
Resulta ini sang masangkaron nga Tokhang Kontra Ginadumilian nga Pusil (TKAL) nga kampanya sang hanay sang pulisya.
