May na yara sang indi pag-intindihanay sa tunga sang asawa sang suspek kag asawa sang pulis nga ginluthang patay sa sulod sang isa ka KTV bar sa Barangay Binuntucan, Pontevedra, Capiz.
Ang biktima amo si Police Captain Rian Ampoyos, 48 anyos, residente sang Barangay Swa, President Roxas, Capiz.
Ang suspek naman amo si William Deocampo, 38 anyos, residente sang Passi City kag nakapangasawa sang taga-Barangay Jolongajog, Pontevedra, Capiz.
Sa interview sang Bombo Radyo kay Punong Barangay Ramon Dunton, sanng Barangay Jolongajog, Pontevedra, iya ginpahayag nga magpaka-isa ang asawa sang biktima kag suspek.
Suno kay Dunton, ang utod sang asawa sang pulis nga biktima ang gina-alegar nga may pamahog sa asawa ni William, nga amo ang ginatudlo nga suspek.
Ginpahayag man sini nga wala sang malain nga record sa barangay si william.
Sa subong, padayon sa gihapon ang manhunt operation sa mga suspek nga nakapalagyo.
