Maga-atubangay ang Oklahoma City Thunder kag Indiana Pacers sa 78th edition sang NBA Finals.
Una nga nakalab-ot sa finals ang Thunder sang ginlutos nila ang Minnesota Timberwolves sa Game 5 sang Western Conference Finals.
Samtang ang Pacers nagdaug sa New York Knicks sa Game 6.
Sang 1979, samtang ang OKC amo pa ang Seattle Supersonics, nagdaug sila sang kampeonato batok sa Washington Bullets, nga nagamarka sang ikalima nga tion nga ang team nakalab-ot sa Finals.
Ang OKC may kabug-usan nga 80 ka daug kag 18 ka kapierdihan sini nga season, sa diin ginlutos nila ang Memphis Grizzles sa Round 1 sang playoffs, samtang ginlutos nila ang Denver Nuggets sa Game 7 sa Round 2.
Samtang ang Indiana Pacers wala pa sang Championship trophy sa ila prangkisa, ini ang ikaduha nga tion nga nakasulod sila sa Finals.
Ginapabugal sang OKC si Shai Gilgeous-Alexander ang una nga point guard nga nagdaug sang Most Valuable Player sa Western Conference halin kay Russel Westbrook.
Nag-average siya sang 32.7 puntos kada hampang sa regular season, 6.4 assists, lima ka rebounds, 1.7 steals kag isa ka block.
Sa duha ka kahigayunan nga nag-atubangay ang duha ka team sa regular season, nagdaug ang Thunder sa duha ka beses.
