Naghinay ang inflation rate sang pungsod sa 0.9% sadtong Hulyo 2025, ang pinakamahinay nga rate sa sulod sang halos anom ka tuig, suno sa report sang Philippine Statistics Authority (PSA).
Ginbalita National Statistician kag PSA Chief Claire Dennis Mapa nga ang inflation sadtong nakaligad nga bulan nagnubo halin sa 1.4% sadtong Hunyo, tuga sang mas mahinay nga pagtaas sang presyo sang kuryente, tubig, kag iba pan nga utility services, pati ang pagnubo sang presyo sang pila ka nagapanguna nga balaklon kasubong sang pagkain.
Ang 0.9% nga inflation sadtong Hulyo ang pinakamanubo halin sadtong Oktubre 2019, kun sa diin nabalhag ang 0.6%.
Mas manubo man ini kun ikumpara sa 4.4% nga inflation sadtong Hulyo sang nakaligad nga tuig 2024.
Bangud sini, ang year-to-date average inflation sang pungsod ang yara sa 1.7%, nga nagapabilin nga mas manubo sa target range sang gobyerno nga 2% tubtob 4% para sa bug-os nga tuig 2025.
Suno sa PSA, positibo nga indikasyon ini nga nagaayo ang kahimtangan sang presyo sa merkado, apisar padayon sa gihapon nga ginabantayan ang mga factor nga mahimo nga makaapekto sa hulag sang presyo sa mga masunod nga bulan.
