Nagtaas ang inflation rate sang Pilipinas sang Hunyo 2025, matapos ang apat ka bulan nga asud-asod nga pagnubo.
Suno sa Philippine Statistics Authority, nagsaka sa 1.4% ang inflation nagikan sa 1.3% sang Mayo.
Nagasanto ini sa initial forecast sang Bangko Sentral ng Pilipinas nga ginalauman yara sa katunga-tungaan sang 1.1% tubtob 1.9% ang inflation rate sang Hunyo.
Ang kabilugan nga inflation para sa tuig 2025 ang yara sa 1.8%, mas manubo ssa gihapon sa target sang gobyerno nga 2% tubtob 4%.
Ginsiling ni National Statistician Claire Dennis Mapa nga ang nagapanguna nga rason sang pagtaas amo ang madasig nga pagsaka sang presyo sang balay, tubig, kuryente, gasolina, kag iban pa nga fuel.
Nagtaas ang presyo sa kategorya nga ini sang 3.2%, nga may pinakadako nga kontribusyon nga 63.3% sa kabilugan nga inflation.
