Inflation rate sa pungsod, nagnubo sa 6.1% sang Agosto

Nagnubo sa 6.1% ang inflation rate sa pungsod sang Agosto gikan sa 6.2% sang Hulyo suno sa Philippine Statistics Authority ukon PSA.

Ini ang ika-apat nga sunod-sunod nga bulan nga nagnubo ang inflation, labi na bangud sa paghinay sang presyo sang pagkaon, pabahay kag utilities.

Samtang, liwat nga nagdasig ang transport inflation sa 13.5% bangud sa pagsaka sang presyo sang gasolina kag diesel.

Nagpaandam man ang PSA nga posible liwat nga magtaas ang inflation sa masunod nga mga binulan bangud sa epekto sang malain nga panahon, pagbag-o bag-o nga presyo sang gatong kag pagluya sang piso.