Ginalauman sang Bangko Sentral ng Pilipinas (BSP) nga magasaka ang inflation rate sa bulan sang Agosto, sa tunga sang 1% tubtob 1.8%, tuga sang pagtaas sang presyo sang pagkaon nga dala sang malain nga tyempp.
Mas mataas ini kun ipaanggid sa 0.9% nga narekord sang Hulyo.
Suno sa BSP, ang mas madasig nga pagtaas sang presyo ang mahimo nga magtuga sang mas mahal nga utan, prutas, kag isda, kadungan sang mas mataas nga pagsuluktan sa kuryente, nagataas nga presyo sang langis sa lokal nga merkado, kag ang nagahina nga balor sang piso.
Subong man, mahimo nga mabuhinan ini sang padayon nga pagnubo sang presyo sang bugas kag karne.
Ginsambit man sang BSP nga padayon sini nga pagabantayan ang mga butang nga nakaapekto sa inflation kag economic growth, kadungan sang paggamit sang data-dependent approach sa ila nga mga polisa sa finance.
