Posible nga magalab-ot sa 8.1% ang inflation rate sa pungsod sang Oktubre bangud sa padayon nga pagsaka sang presyo sang langis, kuryente kag pamasahe suno sa Bangko Sentral ng Pilipinas (BSP).
Sa forecast sang BSP, mahimo nga maglab-ot sa 7.1 tubtub 8.1% ang inflation, mas mataas kon ipaanggid sa 7.2% nga na-record sang Setyembre.
Kon malab-ot ang pinakamataas nga forecast, ini ang mangin pinakamataas nga inflation rate halin sang Pebrero 2023 nga narekord sa 8.6%.
Suno sa BSP, ang mayor nga rason sini amo ang pagsaka sang presyo sang langis sa bug-os nga kalibutan tuga sang nagataas nga tensyon sa Middle East kag posible naman macontrol ang pagsaka sang presyo bangud sa bastante nga supply sang bugas, utanon, karne kag isda.
Samtang, ginpahayag ni Jonathan Ravelas, posible ipatuman sang BSP ang dugang nga 50-basis-point interest rate hike kun padayon nga magtaas ang inflation agud nga mapunggan ang presyo sang mga balaklon.
