NEW YORK, United States – Nagtuhaw ang alegasyon sang “Insider Trading”, bangod sa pagsaka sang trading sa oil kag stock markets antes sang social media post ni Donald Trump may kaangtanan sa Iran.
Suno sa mga Democratic lawmakers kag industry watchdogs, posible nga may mga indibidwal nga nakabenepisyo bangod sa una nga impormasyon halin sa desisyon sang White House.
Sa pahayag ni Jordan Libowitz nga ang amo nga sitwasyon nagahatag sang pagduhaduha kun ang gobyerno naga-serbisyo gid sa publiko ukon sa pila lamang ka indibidwal.
Ang amo nga hitabo nagdugang sang kabalaka nga posible may naga-leak nga sensitibo nga impormasyon nga ginapanginabudlayan sang pila ka traders para sa ila kaugalingon nga benepisyo.
Nahibaluan nga indi normal nga pagsaka sa trading sang oil kag S&P 500 futures antes sang post ni Trump nga naga-angkon nga madinalag-on ang pakig-negosasyon sa Iran.
