Nagbalik na sa Bangladesh si Tarique Rahman, ang nagapanguna nga kandidato nga mangin masunod nga prime minister sang pungsod antes ang eleksyon sa masunod nga tuig matapos ang 17 ka tuig nga pagpanago.
Si Rahman, ang anak sang anay prime minister nga si Khaleda Zia kag lider sang Bangladesh Nationalist Party (BNP), nga nagatinguha karon nga makabalik sa poder sa palaabuton nga eleksyon.
Sugod sang tuig 2008, si Rahman ang nagapuyo sa London kag ginalauman nga mangin bag-o nga lider sang Bangladesh kun magdaug ang Bangladesh Nationalist Party.
Ang pagbalik ni Rahman kasunod sang pagkapukan sang rehimen ni Former prime minister Sheikh Hasina sang tuig 2024.
Nahibaluan nga si Rahman gin-imbestigaran anay sa mga kaso kriminal, apang ginhilway siya sa tanan nga panumbungon sang natapos ang rehimen ni Hasina.
Matandaan nga nagapanago subong si Hasina sa India, sa diin nagapangatubang ini sang madamo nga kaso lakip na ang death penalty kag indi man pagpasugtan ang iya partido nga magpartisipar sa palaabuton nga eleksyon sa pungsod.
