International Criminal Court,gin-athag nga wala sila nagpagwa sang ruling angut sa interim release ni former President Duterte

 Gin-athag sang International Criminal Court (ICC) nga wala pa sila nagpaguwa sang desisyon sa interim release sang anay Presidente Rodrigo Duterte.

Ang nasambit nga request ang gin-file sang Hunyo kag nagapabilin nga pending sa international tribunal.

Suno kay ICC Spokesperson Fadi El Abdalallah, ginpaguwa nila ang pahayag kasunod sang balita nga gin-aprubahan na ang interim release sang anay presidente.

Ginapasiguro man nila nga nagatutok sila sa pisikal kag sikolohikal nga mga kahimtangan sang tanan nga mga detenido.