International pole vault event ni EJ Obiena, ginkansela na

Gin-anunsiyo ni EJ Obiena nga indi madayon ang international pole vault event sa pungsod nga iya ginapamunuan.

Kasunod ini sa injury nga iya naangkon sa mga nakaligad nga pole event.

Ginpahayag sini nga  ibaylo na lamang sa nasambit nga event ang meet-and-greet event sa palaabuton nga Setyembre 15 sa Ayala Malls Manila Bay.

Sa una nga plano igapatigayon kun tani sa Setyembre 20 ang Philippine International Pole Vault Challenge sa siyudad sang Makati.

Apang bangud sa injury niya nagdesisyon ini nga nga magapahuway kag magpaayo para sa pagsabak naman sa masunod nga tuig.