Gintuad ni Iranian President Masoud Pezeshkian ang pagiging bukas sang Iran sa possible nga diplomatic talks sa Estados Unidos, sa tunga sang nagalala nga tensyon sa tunga sang duha ka mga pungsod.
Suno sa iya, mas magastos kag wala sang pulos ang dalan sang komprontasyon.
Ang pahayag ginpagwa antes ang ginalauman nga anunsyo ni U.S. President Donald Trump natuhoy sa sitwasyon sang kinagamo sa Iran. Una nan ga ginsiling ni Trump nga ginapahayag naghingyo ang Iran sang cease-fire, apang ginpanginwala ini sang opisyal sang Iran.
Sa iya nga sulat, ginpanindugan ni Pezeshkian nga wala nag-umpisa sang inaway ang Iran kag handa ini nga ipakigbato ang kaugalingon batuk sa ano man nga pag-atake. Hugot man sin inga ginsiling ang importansya sang diyalogo para sa welfare sang masunod nga henerasyon.
Subong man, nagapabilin nga indi sigurado kun ang iya nga pahayag ang nagarepresenta sa bug-os nga gobyerno sang Iran, bangud ang Supreme Leader ang may ulihi nga desisyon sa importante nga isyu kasubong sang negosasyon.
