Gintuad ni Iranian President Masoud Pezeshkian nga bukas sila nga tapuson ang giyera sa tunga sang US kag Israel, basta kag magpabor sa ila ang mga kondisyon sang peace deal nga ginaduso sang Estados Unidos sang Amerika.
Suno kay Pezeshkian, indi nila pagbatunon ang ano man nga offer nga ceasefire kag ang dalayon lang nga pagtapos sang kinagamo ang ila nga pirmahan.
Gin-athag sang presidente nga wala nila ginbaton ang 15-point proposal sang US, bangud suno sa iya indi makatarungan kag pabor lamang sa isa ka bahin. Sa pihak sang paliwat-liwat nga pahayag ni US President Donald Trump natuhoy sa mga isyu nga natabo sa tunga sang mga tiglawas sang US kag Iran, ginpanindugan ni Pezeshkian nga ang mga kondisyon sang nasambit nga proposal ang indi pabor sa ila nga pungsod.
