Iran, nagpromisa nga magabalos sila matapos ginkumpirma nga napatay ang ila Top security chief nga si Ali Larijani

Nagpromisa ang Iran Army Chief sang “decisive retaliation” batok sa Israel matapos nga ginkumpirma nga napatay ang ila nga Top security chief nga si Ali Larijani, bangud sa pag-atake sang Israel.

Si Larijani ang pinakamataas nga opisyal sang Iran nga napatay kasunod sang ginpatay si Supreme Leader Ali Khamenei.

Dako man ang nangin papel ni Larijani sa pagdihon sang estratehiko nga mga desisyon sang Iran.

Sa isa ka statement, nagpamahog si Iranian Army chief Amir Hatami nga magbalos sila sa tama nga tion kag lugar sa Estados Unidos sang Amerika nga ginakabig “bloodthirsty Zionist regime”.

Suno naman sa Revolutionary Guards sang Iran, naglunsyar na sila sang mga missile sa central Israel bilang balos sa kamatayon ni Larijani.