ROXAS CITY -Ginkumpirmar sang market administrator sang Teodoro Arcenas Trade Center nga may isa ka negosyante sa meat section nga nagpositibo sa COVID-19.
Ginpahayag ni Mrs. Heloise Mendoza nga nagpadulong sa iya talatapan ang mga katapo sang City Health Office agud ipahibalo ang pagpositibo sang nasambit nga negosyante.
Suno kay Mendoza nga walo na kaadlaw nga wala nakabaligya ang nasambit nga nagpositibo.
Gindugang pa sini nga may yara sang history nga gin-atake sang stroke ang nasambit nga nagpositibo.
Gilayon naman nga nagpatiagyon sang disinfection sa sulod sang Meat and Poultry Section sang TATC agud malikawan nga maglapta ang virus.
Ginpakamaayo man ni Mendoza nga pauntaton sa pagbaligya ang mga himata sang nagpositibo nga negosyante.
Gin-abisohan man sini ang iban nga mga negosyante nga tsekyaron ang ila nga mga kalawasan.
Gin-athag ni Mendoza nga magapabilin nga bukas ang merkado sa pihak nga may yara sang nagpositibo.
Samtang nagpanugyan naman si Mendoza sa mga negosyante kag mga bumalakal nga padayon nga magsunod sa ginapatuman nga mga health protocols sa nasambit nga merkado.
