Ang napatay amo si alyas Ryan, 18 anyos, kag residente sang Barangay Sia, Tapaz, Capiz, samtang ang mga pilason amo sanday alyas Joeffrey, 56 anyos, residente sang Sitio Nabka, Barangay San Vicente, Jamindan, Capiz; kag alyas Jory, 24 anyos, kag residente sang Barangay Nayawan, Tapaz, Capiz.
Sa interview sang Bombo RAdyo kay Police Captain Jaypee Silvestre, officer in charge sang Jamindan Municipal Police Station, iya ginpahayag nga alas 1:30 sang hapon samtang nagapahuway sa isa ka payag ang mga biktima ,bangud naga-ulan sa lugar.
Sang hinali lang nga maigo sang kilat ang ila sini nga ginakahamtangan nga nagtuga sang pagkapilas sang tatlo.
Gilayon man nga nagresponde ang mga otoridad kag gindala sa ospital ang mga biktima apang si alyas Ryan ang gindeklara nga dead on arrival.
Sa subong, padayon ang pagpaayo sang duha pa ka mga biktima samtang padayon ang dugang nga imbestigasyon sang mga kapulisan.
