LAWAAN, Roxas City – Nagapabilin para sa pagbulong ang isa ka driver matapos ang vehicular accident sa Crossing Jail, Barangay Lawaan, Roxas City.
Ang driver 1 amo si alias Berto, 42-anyos, residente sang nasambit nga lugar, samtang si driver 2 ginkilala sakay alias Vincent, 26-anyos, nga residente sang Barangay Calaan, Panit-an, Capiz.
Sa interview sang Bombo Radyo kay Police Lieutenant Colonel Rogelio L. Tomagtang Jr., Chief of Police sang Roxas Component City Police Station, iya ginpahayag nga samtang nagabiyahe ang duha ka driver sa opposite nga direksyon, hinali nga nagbunggo ang tricycle sa kasugata sini nga ginamaneho ni alias Vincent.
Suno kay Tomagtang bangud sa impact sang pagbungguanay, nakaagom sang mga pilas sa nagkalain-lain nga parte sang ila kalawasan ang duha ka driver, samtang mas daku ang kahalitan nga naagom naman sang ni alias Berto. Pahayag pa gilayon nga gindala sa separado nga ospital sa syudad ang duha ka driver sang mga katapo sang Roxas City Emergency Response Team para sa pagbulong ” RCERT”.
Dugang pa sa impormasyon niya agud mahatagan sang nagakaigo nga pagbulong ang duha ka indibidwal ang gindala sa pampubliko nga hospital.
Sa karon, ginapanawagan ang pumuluyo nga maghalong sa dalanon kag i sekyar ang motorsiklo nga ginabiyahe agud malayo sa disgrasya kag para sa paghatag sang nagakaigo nga sabat padayon sa ang awtoridad sa pagpalapnag sang mga pahanumdom sa dalanon agud indi na maliwat ang nasambit nga insidente.
