SIBAGUAN, Roxas City – Nakilala na ang isa sa subject person sa pagluthang patay kay Chester Alagon, matapos ang natabo nga shooting incident sa Sitio Ilaya, Barangay Sibaguan, Roxas City.
Ang biktima ginkilala nga si Chester Alagon, 22-anyos, delivery rider kag residente sang Sitio Ilaya, Brgy. Sibaguan, Roxas City. Samtang ang Subject person ginhingalan kanday alias “Amo”, residente sang Brgy. Bayot Drive Barangay 9, Roxas City, kag alias John nga padayon man ginatumod ang pagkakilanlan.
Matandaan nga natabo ang insidente July 28, kun sa diin kumpirmado nga roberry ang rason sa pagluthang patay sa iya.
Ang suspek amo si alias “Amo,” yara sa legal nga pang-edaron kag residente sang Bayot Drive, Barangay IX, Roxas City nga sa subong nagsaylo sa iban nga probinsya, samtang ang isa naman nga kaupod sini si alias “John” nga padayon sa karon nga ginatumod ang pagkakilanlan.
Sa interview sang Bombo Radyo kay kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga sa ginpatigayon nga imbestigasyon kag kooperasyon sang mga pumuluyo nakilala ang isa sa mga suspek.
Suno kay Tomagtang, bilang kabahin sang imbestigasyon sa isa sa mga suspek, ginpasaka naman ang kaso nga Murder sang Setyembre 14, 2026.
Sa karon ginapanawagan sa kun sin o ang may ihibalo sa identidad sang ginkilala nga si alias “John,” isa sa subject person sa pagluthang sa biktima mahimo nga ipahibalo sa awtoridad kag mahatag ang hustisya nga masobra duha ka bulan nga ginahulat sang pamilya.
