Isa ka eskwelahan sa Panit-an, ginkawatan

ROXAS CITY – Ginkawatan ang Panit-an National High School sa banwa sang Panit-an, Capiz.

Ginsulod sang wala pa makilala nga mga suspek ang duha ka classrooms nga pagahimuon kuntani nga cafeteria sang nasambit nga eskwelahan.

Sa pagtsekyar sang mga empleyado sang amo nga eskwelahan natukiban nga nakuha sang mga kawatan ang 26 tanan ka mga window jalousies kalakip na ang frames sini.

Ginkuha man ang takop sang walo ka mga cubicles sang CR, switch sang kuryente kag receptacle.

Posible nga nag-agi ang mga kawatan sa nalikod nga porsyon sang eskwelahan.

Padayon naman nga gina-imbestigahan sang mga kapulisan ang nasambit nga insidente.