Nagpatigayon sang airstrike ang Israeli military sa southern Beirut sa Lebanon.
Suno sa Israel Defense Forces (IDF), ang ila ginhimo bilang balos matapos nga may duha ka projectiles nga gikan sa Lebanon ang nag-igo sa Israel.
Gin-target sang Israel ang terrorist infrastructure site kun sa diin nakatago ang mga Unmanned Aerial Vehicles (UAV) sang Hezbollah nga makit-an sa Dahiel.
Dugang pa sini nga maathag nga ginahimo nga human shield sang Hezbollah ang mga sibilyan sa Lebanon.
Bangud sa ginhimo nga airstrike sang Israel, ginkansela sang Lebanon ang klase sa mga eskwelahan.
Nagapakig-angut na si Lebanese President Joseph Aoun sa US bangud sa naga-exist nga ceasefire sa ila halin pa sadtong Nobyembre gani ginkatingala nila ang ginhimo nga paglapas sang Israel.
