Nagmandu si Israeli Prime Minister Benjamin Netanyahu sang negosasyon nga magsugod sa paghilway sang tanan nga nabilin nga mga bihag kag tapuson ang inaway sa Gaza sa idalom sang mga kondisyon nga mabaton sang Israel.
Ginmanduan man ni Netanyahu ang iya mga tropa sang Huwebes sang gab-i nga ang iya gabinete nag-aprubar sang isa ka plano para sa isa ka daku nga pagsalakay sa Gaza City sa naaminhan nga bahin sang teritoryo agud malutos ang Hamas kag mahilway ang tanan nga mga bilanggo walay sapayan sang pagpamatok gikan sa internasyonal kag domestic nga mga organisasyon.
Madumduman nga nagpasugot ang Hamas sa proposal sang Qatari kag Egyptian mediators para sa 60-day ceasefire sang Lunes, nga suno sa Qatar magahatag sang dalan para sa kahilwayan sang katunga sang nabilin nga mga preso sa Gaza.
Apang, wala pa ginbaton ni Netanyahu ang amo nga proposal.
Nagapati ang Israel nga mga 20 lamang sa 50 ka mga bihag ang buhi pagkatapos sang 22 ka bulan nga inaway sa tunga sang Israel kag Hamas.
