Napaslawan ang negosasayon para kalinong sa tunga sang United States kag Iran matapos ang masobra 21 ka oras nga negosasyon sa Islamabad, Pakistan.
Ginkumpirma ni US Vice President J.D. Vance nga wala sang may nakasugtanan agud dalayon nga matapos ang kinagamo.
Nagtudluanay ang duha ka bahin sa kapaslawan sang amo nga hinun-anon, kun sa diin ginpanindugan sang US ang ila nga “red lines” kasubong sang pagpauntat sa Iran nga makahimo sang nuclear weapons.
Samtang, gintawag sang Iran nga sobrahan ang mga ginahingyo sang Amerika.
Nahibaluan nga ini ang labing-una nga direkta nga nag-istoryahanay ang duha ka mga pungsod sa sulod sang masobra isa ka dekada.
Sa pihak sini, nagapabilin nga mahuyang ang ceasefire kag padayon ang tensyon, ilabi na sa isyu sang nuclear program kag kontrol sa Strait of Hormuz.
Nagapanawagan ang Pakistan nga ipabilin ang ceasefire samtang padayon ang kakulangan sang kasugtanan sa tunga sang duha ka mga pungsod.
