ROXAS CITY – Nakit-an sa isa ka instagram post sang aktres nga si Jane De Leon nga kaupod sini ang aktor nga si Rob Gomez sa Taipei, Taiwan samtang nagakaon ini sang ramen.
Nangin kontrobersyal naman ini sa mga netizens bangud sa reaksyon ni Jane sa video samtang nagakaon sang ramen kag hinali nga nagtamwa ang aktor nga si Rob nga nagapanago sa tupad sang aktres.
Sa post caption naman sang aktres ginpahayag sini nga “Finally! Had a chance to try ICHIRAN for the first time. It’s a 10 for me.”
Ang pamangkot naman sang netizens, kun wala sang may nagapatunga sa duha, ngaa nagapanago ang aktor sa video?
Sa karon, wala pa sang pahayag si Jane kun ngaa magkaupod sila ni Rob.
Matandaan nga naulamid sa kontrobersya si Rob sadtong nakaligad nga tuig matapos ma-link sa mga co-stars sini nga sanday Bianca Manalo kag Herlene Budol.
