Japan, ginkumpiska ang Chinese fishing vessel nga nagsulod sa ila teritoryal nga kadagatan

Ginkumpiska sang Japan ang isa ka fishing vessel halin sa China.

Suno sa Japanese fisheries agency, wala sila ginsapak sang Chinese vessel sang nagsulod ini sa ila exclusive economic zone sa Nagasake Prefecture.

Ginpanugyanan nila ang kapitan sang barko nga mag-untat agud usisaon sang mga otoridad apang wala ini nag-untat.

May yara sang 11 ka mga tawo nga sakay sang barko lakip na ang kapitan nga 47-anyos nga Chinese national.

Nahibaluan nga indi ini ang una nga tion nga ginkumpiska sang Japan ang isa ka Chinese fishing boat, bangud natabo na ini sang 2022.

Ginpasalig ni Chief Cabinet Secretary sang Japan nga si Minoru Kihara nga indi nila pag-untatan ang pagkumpiska sa mga barko nga naga-engage sa illegal nga pagpangisda sa ila kadagatan.