Nagpaandam ang Japan natuhoy sa katalagman nga dala sang heatstroke sa Tokyo kag iban pa nga mga kabahin nga lugar sini.
Bangud diri, sa na-irekord nga init sa lugar ang nangin rason sang pagtaliwan sa pihak nga kinabuhi sang pila ka mga indibidwal bangud sa nasambit nga mainit nga temperatura. Bangud sini, napilitan nga maggamit sang makabag-o nga cooling shelter ang mga pumuluyo sa nasambit nga lugar.
Suno sa mga otoridad, ini ang pinakamataas nga lebel sang katalagman nga naeksperyensyahan sang lugar.
Bangud sa tuman nga kainit sang panyempo, nabalitaan sang mga ini nga madamo naman ka mga indibidwal ang ginpadangat sa ospital kag ang pila sa mga ini ang ginbawian sang hulam nga kabuhi bangud sa heatstroke.
Ginapreparahan naman sang TEPCO, ang pagbakal sang kuryente nga nagikan sa mga utility agud mapreparahan man sang mga ini ang mga pagakinahanglanon sa pag-suplay sang kuryente sa Tokyo.
Sa pahayag ni Trade Minister Ken Saito, ginabantayan na sang gobyerno ang mga sitwasyon, agud mapahupos kag masiguro sini nga mangin maayos ang pagsuplay sang mga sini sa kuryente.
Samtang, nagahanda man ang mga industriya sang pagpanguma kag pagpangisda bangud sa tayuyun nga pagtaas sang temperatura sa lugar, posible man ini nga mangin rason sang pagnubo sa kalidad sang mga produkto kasubong sang bugas kag isda.
