Excited na si JD Cagulangan nga makahampang sa Korean Basketball League (KBL) kun sa diin makaatubang sini ang pila sa mga Pinoy players nga import man sa amu nga pungsod.
Nagpirma na sang kontrata si Cagulangan sa Suwon KT Sonicboom sang damlag lang kun sa diin nagalaum ini nga makabulig siya sa iya bag-o nga team.
Preska pa si Cagulangan sa matam-is nga kampeonato sa UAAP Season 87 kaupod ang UP Fighting Maroons.
Sa KBL, makaupod sini ang pila ka former UP players nga sanday Juan Gomez de Liaño, Javi Gomez de Liaño kag Carl Tamayo.
Nagahampang si Juan para sa Seoul SK Knights samtang yara naman sa Anyang Red Boosters si Javi. Si Tamayo naman ang yara sa Changwon.
Magluwas sa tatlo ka former UP standouts, makaatubang man ni Cagulangan sa KBL si two-time UAAP MVP Kevin Quiambao sang De La Salle University.
Ginkuha naman si Quimbao sang Goyang Gono Skygunners.
