Temporaryo nga ginsirado ang Jebel Jais, ang pinakamataas nga tourist spot sa United Arab Emirates, bilang precautionary measure para sa seguridad sang mga turista kag bisita, bangud sang nagapadayon nga tensyon sa tunga sang Israel kag Iran.
Suno kay Bombo Sol Frondosa International Correspondent direkta sa United Arab Emirates, iya ginpahayag nga ginsirado ang tanan nga atraksyon, aktibidad, kag mga restaurant sa lugar agud masiguro ang kaluwasan sang publiko.
Dugang pa ni Frondosa, ang amo nga tikang isa ka paagi sang gobyerno para maprotektahan ang mga tawo samtang ginabantayan ang mga posible nga epekto sang nagapadayon nga tensyon.
Matandaan nga indi lang Israel ang target sang pagpang-atake sang Iran, kundi pati man ang walo ka iban pa nga pungsod sa Middle East. Ini nga mga missile kag drone attacks sang Iran kabahin sang ila pagtimalos matapos nga gin-target sang Israel kag Estados Unidos ang Supreme Leader sang Iran nga si Ayatollah Ali Khamenei
