Nakatalana nga iretiro sang Memphis Grizzlies ang jersey No. 9 ni Tony Allen.
Base sa ginpaguwa nga schedule sang Grizzlies, pagahiwaton ang retirement ceremony sa March 15, 2025 sa FedExForum, ang homecourt sang Memphis.
Sa nasambit nga adlaw, nakatalana nga atubangon sang Grizz ang Miami Heat.
Sa kasaysayan sang Grizzlies, may ara na nga duha ka player nfa nairetiro ang ila nga jersey No. nga ginakalakipan nanday Zach Rondolph (jersey No. 50) kag Marc Gasol (jersey No. 33)
Si Allen na ang pangtatlo sa listahan sang grupo.
Sa sulod sang 7 season nga paghampang ni Allen sa Memphis, nahimo sini nga dal-on ang grupo sa magkasunod nga NBA Playoff (2010 – 2017).
Hawid ni Allen ang pila ka record sa Memphis kasubong sang ikaduwa sa may pinakamadamo nga steal sa kasaysayan sang grupo (762) sa pihak sang pito ka season lamang sa iya nga paghampang.
Pang-napulo man si Allen sa may pinakamadamo nga na-block sa kasaysayan sang Grizz nga nakapagkit sang kabug-usan nga 217. Nagretiro si Allen halin sa NBA sang 2018 matapos ang 14 nga season sa liga.
