Ginsuportahan sang mayorya sang Senado ang ginhimo nga aksyon ni Acting Sergeant-at-Arms Mao Aplasca may kaangtanan sa nagluntad nga shooting incident sa Senado sang Miyerkules, Mayo 13.
Suno kay Senador Jinggoy Estrada, makatarunganon ukon “justifiable” ang pagpahamtang ni Aplasca sang warning shot bangud sang ginapatihan nga posible nga pagsulod sang mga ahente sang NBI bisan pa nga wala naman sang direktiba nga dakpon si Senador Ronald dela Rosa samtang yara ini sa protective custody sang Senado.
Ginpahayag man ni Estrada nga dapat maipaguwa sa publiko ang mga CCTV footage agud mahibaluan gid ang matuod nga natabo sa insidente. Samtang, nagmandu naman si Ferdinand Marcos Jr. sa NBI kag PNP nga magpatigayon sang madalom nga imbestigasyon may kaangtanan sa pagpinalupok sa Senado.
