-- ADVERTISEMENT --
Ginkasal na ang komedyante nga si Jose Manalo sa nobya nga si Mergene Maranan.
Ginhiwat ang beach wedding sang Disyembre 17 sa Boracay.
Sa mga social media sang kaupdanan sini nga artista, ginpakigbahin sang mga ini ang pila ka mga laragway kag video nga kuha sa kasal.
Nangin pribado lamang ang okasyon kun sa diin, mga malapit nga abyan kag himata lamang ang nagtambong sa nasambit nga kasal.
Matandaan nga sang nakaligad nga bulan sang gin-akat sang komedyante ang anay EB Babe dancer sang kasal.
-- ADVERTISEMENT --
Nagbulagay ang komediyante sa anay asawa sini nga si Anna Lyn Santos nga wala magdugay nagtaliwan man sang Enero 2022 sa edad nga 54.
May lima ini sila ka bata nga ginakalakipan man sang mga aktor nga sanday Benj kag Nicco Manalo.
