Nagapati ang isa ka manunudlo nga dako ang mabulig sang K-12 program sa pagpa-improve sang ihibalo kag abilidad sang mga estudyante.
Sa interview sang Bombo Radyo kay Eden Alam, Former TVL teacher sang Senior High School, iya ginpahayag nga pinaagi sa dugang nga tuig sa pag-eskwela, mas mapalapad ang ihibalo kag preparasyon sang mga estudyante antes magsulod sa kolehiyo ukon sa pagtrabaho.
Suno kay Alam, importante nga mapadayon ang programa bangud nagahatag ini sang dugang nga training kag eksperyensya sa mga kabataan nga mahimo nila magamit sa ila palaabuton.
Nahibaluan nga ginaduso ni Sen. Robin Padilla ang hagna nga kakason ang Senior High School ukon SHS sa basic education system bilang sabat sa mga kabudlayan nga ginapangatubang sang mga pamilyang Pilipino sa idalum sang K-12 program.
